Grýzııada turatyn ǵalamshardyń eń kári turǵyny 133-ke qaraǵan shaǵynda kóz jumdy
ASTANA. 8 qazan. QazAqparat - Grýzııanyń batysyndaǵy Tsaledjıh aýdanyndaǵy Sachıno aýylynda turatyn eldiń, múmkin búkil álemniń eń kári turǵyny Antısa Hvıchava baqılyq boldy.
Bıylǵy jyldyń shildesinde ol 132-ge toldy. Antısa Hvıchava týǵan aýylynda jerlendi. Ol 1880 jyldyń 8 shildesinde dúnıege kelip, búkil ómirin týǵan Sachınosynda ótkizdi. Antısanyń 12 nemeresi, 18 shóberesi jáne 4 nemenesi bar.
Bıylǵy jyldyń shildesinde, óziniń 132 jasqa tolýyn atap ótken Antısa Hvıchava jýrnalıstermen óziniń uzaq jasaýynyń qupııasymen bólisti. «Kóptegen jyldar boıy árbir tańda tańǵy astan keıin jáne jumystyń aldynda men 50 gramm júzim sharabyn ishetinmin, bul maǵan erekshe sergektik berdi», - dedi ol. Budan basqa Antısa árqashan qozǵalysta boldy, úıinde jáne aýlasynda tyńbastan eńbek etip júrdi.
