Grýzııada tótenshe jaǵdaı: nóser jaýyn saldarynan úıler sý astynda qaldy
ASTANA. KAZINFORM – Grýzııanyń Mtsheta-Mtıanetı aımaǵyna qutqarýshylar men tótenshe jaǵdaılar qyzmeti jumyldyrylýda. Nóser jaýynnyń saldarynan úıler, joldar sý astynda qaldy, kópirler men elektr jelileri zaqymdanyp, eldi mekenderdiń bir bóligi elektr jaryǵynsyz qaldy. Bul týraly Newsgeorgia.ge habarlaıdy.
Kvemo Kartlıde birneshe eldi meken syrtpen baılanyssyz qaldy. Ásirese Marneýlı, Tetrıtskaro, Bolnısı jáne Dmanısıde jaǵdaı óte qıyn. Sý basqan aımaqtardan turǵyndardy evakýatsııalanyp jatyr, 15 otbasy kóshirildi. Qyzyl kópir aımaǵyndaǵy shekarada 9 adamdy qaıyqpen alyp ketýge týra keldi.
Úkimettiń habarlaýynsha, zalal mólsherin anyqtaý jónindegi komıssııa qurylǵan.
Aldaǵy táýlikte Grýzııanyń Mtsheta-Mtıanetı aımaǵynda jaýyn-shashynnyń kóp túsýinen Aragvı ózeniniń arnasy kúrt kóterilýi múmkin ekendigi týraly shuǵyl habar jarııalandy. Tótenshe jaǵdaı týraly eskertýdi GWP sý taratý kompanııasy taratyp, saıahatshylar men jergilikti turǵyndardy óte saq bolýǵa shaqyrdy.
GWP habarlaýynsha, Jınvalskoe sý qoımasy toldy jáne artyq sý Aragvıge tógildi.
Aragvı - Grýzııanyń shyǵysyndaǵy Qazbeg, Dýshet jáne Mtshet mýnıtsıpalıtetteriniń aýmaǵy arqyly ótetin Mtkvarıdiń (Kýry) sol salasy. Aragvı Mtsheta qalasyndaǵy Mtkvarıge quıady.
