Grýzııada tártipsizdikterdi uıymdastyrdy degen kúdikpen burynǵy qorǵanys mınıstri ustaldy

ASTANA. KAZINFORM - Grýzııanyń burynǵy qorǵanys mınıstri Bacho Ahalaıaǵa 4 qazan kúni Tbılısıde prezıdent saraıyna shabýyldaýshylardyń áreketin uıymdastyryp, úılestirip otyrdy degen aıyp taǵylyp otyr, dep habarlaıdy Kazinform agenttiginiń menshikti tilshisi Birinshi qoǵamdyq arnaǵa silteme jasap.

Grýzııanyń Qaýipsizdik qyzmeti burynǵy qorǵanys mınıstri Bacho Ahalaıany 2025 jyldyń 4 qazanynda Tbılısıde bolǵan oqıǵany tergeý jumystary aıasynda ustady. Ol kezde sherýshiler toby prezıdent saraıyna basyp kirmek bolǵan. Qaýipsizdik qyzmetiniń derekterinshe, Ahalaıa sherýshilerdiń basty uıymdastyrýshysy jáne úılestirýshisi bolǵan jáne olardy ınternet-qosymshalar arqyly qashyqtan basqaryp otyrǵan. 

Vedomstvo mamandary uıymdastyrýshy bolýy múmkin adamdar arasyndaǵy kóptegen onlaın-baılanystardy anyqtaǵan. Olardyń ishinde Ahalaıa da bar, ol tártipsizdikterdiń qatysýshylarymen óziniń áıeli Anna Nadareıshvılıdiń IP mekenjaıy arqyly baılanysyp otyrǵan. Qaýipsizdik qyzmetiniń ókilderi Anna Nadareıshvılıdi de ustaǵan, alaıda ol keıinirek, bosatylǵan. Tergeý onyń bolǵan oqıǵaǵa qanshalyqty qatysy bar ekenin áli naqtylaıdy. 

Materıaldar aıyp taǵyp, odan ári tergeý júrgizý úshin Іshki ister mınıstrliginiń Ortalyq krımınaldyq polıtsııasyna beriledi. Atalǵandarmen qatar zańsyz qarý men oq-dári saqtaý áreketi boıynsha da qylmystyq is qaralyp jatyr. Onyń aıasynda Beka Chýlýhadzege aıyp taǵyldy. Sonymen qatar iske Bacho Ahalaı, Lashı Shergelashvılı men ózge de adamardyń qatysy tekserilip jatyr. 

Aıta keteıik, 4 qazan kúni Grýzııada jergilikti ózin ózi basqarý organdarynyń saılaýy ótti. Osy kúni keshkisin Tbılısı ortalyǵyndaǵy prezıdent saraıynda buqaralyq narazylyq sharalary ótip, artynan ol sherýshiler men kúsh qurylymdary ókilderiniń arasyndaǵy qaqtyǵysqa ulasty.

Tártipsizdikter barysynda 14 polıtsııa qyzmetkeri zardap shekti.