Grýzııada sý tasqynynyń saldaryn joıý jumystary qolǵa alyndy
BAKÝ-TBILISI. QazAqparat - Grýzııada sý tasqyny oryn aldy, ondaǵan otbasy qaýipsiz jerge kóshirildi, dep habarlady Grýzııanyń ІІM-niń Tótenshe jaǵdaılar departamentinen.
Qazir Batys Grýzııadaǵy Ozýrgetsk aýdanynyń Shekvetılı aýylynda ondaǵan otbasylar kóshirildi. Atap ótilgendeı, 24 qyrkúıek kúni tańerteń Adjarııanyń jaǵalaýynda bes balldyq daýyl tirkeldi. Ol Batýmıdiń jaǵalaýdaǵy aýdandaryn sel basý qaýpin týǵyzdy. Tabıǵı apatpen kúresý úshin arnaıy qutqarý qyzmetteri jumyldyrylǵan. Jaǵdaıdy qatty daýyl qıyndatyp otyr. Sondaı-aq kýrortty Batýmıdiń birqatar aýdandarynda elektr energııasyn berýde kidirister týyndaǵan. Qazirgi ýaqytta atalǵan aýdanda jınalǵan sýdy aǵyzyp jiberýge ázirlik jáne elektr energııasyn berýdi qalpyna keltirý jumystary júrgizilýde.
