Grýzııada sottalýshylarǵa kórsetilgen zorlyq-zombylyqtar EO-ny shoshytyp otyr
BRıÝSSELЬ. 21 qyrkúıek. QazAqparat - Grýzııada sottalýshylarǵa kórsetilgen zorlyq-zombylyqtar Eýroodaqty shoshytyp otyr. EO osyndaı ózge de faktilerdi tekserip, kinálilerdi jazalaýǵa shaqyrdy.
Mundaı málimdemeni Grýzııadaǵy Gldansk túrmesinde sottalýshylardy jábirleý faktilerine qatysty daý-damaıǵa pikir bildirgen EO-nyń Syrtqy ister jáne qaýipsizdik saıasaty jónindegi joǵarǵy ókili Ketrın Eshton jasady, dep habarlandy eýropalyq sheneýniktiń baspasóz qyzmetinen.
«Joǵarǵy ókil Gldansk túrmesindegi sottalýshylarǵa kórsetilgen zorlyq-zombylyq kadrlaryn kórip, qatty kúızeldi. Ol barlyq elder azaptaý men kúsh qodanýdyń kez kelgen túrine salynǵan tyıymdardy ustanýy tıistigin eske salady. Ol úkimet (Grýzııa) bul máselini sheshýde alǵashqy qadamdar jasaǵandyǵyn atap ótti jáne osy jáne ózge de oqıǵalardy muqııat tekserip, kinálilerdi jazalaý kerektigin qadap aıtady», - dedi K. Eshton.
QazAqparat buǵan deıin habarlaǵandaı, jaqynda oppozıtsııalyq arnalar sottalýshylarǵa kórsetilgen zorlyq-zombylyq kadrlaryn taratqannan keıin búkil Grýzııa boıynsha narazylyq aktsııalary ótti. Grýzııanyń Prezıdenti sottalýshylarǵa jábir kórsetkenderdiń barlyǵyn jazalýǵa ýáde berdi.
