Grýzııada Saakashvılıdiń «qylmystaryn» tekserý úshin komıtet qurylady
ASTANA. 23 qazan. QazAqparat - Grýzııa parlamentiniń jańa basshysy Davıd Ýsýpashvılı Mıhaıl Saakashvılı eldi basqarǵan jyldary jasalǵan «qylmystardy» tekserý boıynsha tergeý komıssııasy qurylatyndyǵyn málim etti.
Spıkerdiń sózine qaraǵanda, birneshe rezonansty is kútilýde. «Ókinishke qaraı, «qylmyskerler» sózi metafora ne bolmasa saıası sımvol emes, ol jaǵdaıdyń naqty sıpattamasy boldy. Taıaýda kóptegen jaǵdaılar kópshilikke belgili bolyp, biz zorlyq-zombylyqtyń, elıtarly jemqorlyq pen saıası qýdalaýdyń naqty faktileri týraly biletin bolamyz degen kúdigim bar», - deıdi Ýsýpashvılı.
Aldyn ala málimetter boıynsha, komıssııany onyń jubaıy Tınatın Hıdjashelı basqaratyn bolady. T.Hıdjashelı Grýzııa Respýblıkalyq partııasynyń kóshbasshylarynyń biri bolyp tabylady.
