Grýzııada radıoaktıvti ýran satpaq bolǵandar ustaldy

ASTANA. KAZINFORM – Grýzııada radıoaktıvti ýrandy satty jáne satyp aldy degen kúdikpen eki adam ustaldy, dep habarlaıdy Grýzııa Online.

Arnaıy operatsııalar jáne qarsy barlaý departamentiniń qyzmetkerleri Batýmıde 3 mıllıon AQSh dollaryna radıoaktıvti materıaldy satpaq bolǵan Grýzııa azamaty men sheteldikti ustady.

- Atalǵan materıaldyń radıoaktıvti alfa jáne gamma sáýle shyǵaratynyn jáne qospa retindegi sáýle shyǵarý kóziniń qabiletin eskergende ol túrli jarylǵysh zattar jasaýǵa, sondaı-aq terrorıstik akt nemese nátıjesi jappaı adam ólimine alyp keletin áreketterdi júzege asyrýǵa qaýqarly,- delingen MQQ habarlamasynda.

Ustalǵan adamnyń qaı eldiń azamaty jáne aty-jóni kim ekeni aıtylmaı otyr. Olardy 5-ten 10 jylǵan deıin bas bostandyǵynan aıyrý jazasy kútip tur.

Osyǵan deıin asa iri alaıaqtyq jasaǵan qazaqstandyq azamattyń Grýzııada ustalǵanyn habarladyq.