Grýzııada prezıdenttik saılaý júrip jatyr
ASTANA. 27 qazan. QazAqparat - Grýzııada jergilikti saǵat 08.00-de prezıdenttik saılaý bastaldy, dep habarlaıdy ITAR-TASS.
Respýblıkanyń aýmaǵynda 3689 saılaý ýchaskeleri ashylyp, jumys jasaýda. Daýys berý keshki saǵat 20.00-ge deıin jalǵasady. Ortalyq saılaý komıtetinen kelip túsken málimetke qaraǵanda, Grýzııada saılaýǵa 3,537 mln. adam daýys berýge qatysa alady. Saılaý barysynda saılaýshynyń ózimen birge jeke kýáligi nemese tólqujaty bolýy shart.
Bul joly saıası dodaǵa 23 úmitker túsip otyr. Taq úshin talasqa qazirgi Memleket basshysy qatyspaıdy. Eki márte prezıdenttikke saılanǵan Mıhaıl Saakashvılı el zańy boıynsha ornyn bosatýy kerek. Zańǵa sáıkes prezıdent 5 jylǵa saılanady. Daýys berýshilerdiń 50%-ynan artyq daýysyn jınaǵan úmitker jeńimpaz atanbaq. Kandıdattardyń eshqaısysy mundaı kórsetkishke qol jetkizbese, 2 apta ishinde dodanyń ekinshi aınalymy jarııalanady.
