Grýzııada plastıkalyq bótelkelerge tyıym salynady

ASTANA. KAZINFORM –  Grýzııa úkimeti plastık bótelkedegi sýsyndardy satýǵa tyıym salýdy josparlap otyr, dep habarlaıdy Newsgeorgia.

Qorshaǵan ortany qorǵaý jáne aýyl sharýashylyǵy mınıstriniń orynbasary Solomon Pavlıashvılıdiń málimdeýinshe, bul tyıym kelesi jyldan bastap kúshine enbek.

Onyń aıtýynsha, plastık bótelkedegi maı satýǵa jáne kólemi 10 lıtrden asatyn aýyzsýǵa erekshelik jasalady. Sondaı-aq shekteý eksportqa shyǵarylatyn ónimderge qoldanylmaıdy7

Bul bastama eldegi plastıkti paıdalanýdy azaıtý naýqanynyń bir bóligi. 1 qańtardan bastap Grýzııada ishki naryqqa arnalǵan birrettik plastık buıymdaryn óndirýge tyıym salynǵan.

Plastık ydystardy tek eksport úshin ǵana óndirýge bolady.

1 sáýirden bastap memlekettik mekemelerge kólemi 3 lıtrge deıingi plastık staqandardy, konteınerlerdi jáne bótelkelerdi satyp alýǵa tyıym kúshine enedi.

Al 1 shildeden bastap bul shekteý qonaq úılerge, meıramhanalar men dámhanaǵa da qaldanylady.

Aıta ketelik Qazaqstan men Grýzııa týrızm jáne sport salasyndaǵy seriktestikti nyǵaıtady.