Grýzııada parlamenttik saılaýlar bastaldy

Konstıtýtsııaǵa engzilgen ózgertýler kúshine enetin 2013 jyldan bastap Parlament anaǵurlym keń quzyretke ıe bolady, al memleket basshysynyń quqyqtary azaıtylatyn bolady.

Daýys berýshilerdiń sany saılaýshylardyń 1/3 bóligine jetken jaǵdaıda ǵana saılaý ótti dep tanylady.

Grýzııanyń Ortalyq saılaý komıssııasynyń málimetterine sáıkes, eldiń 84 saılaý okrýginde 3 mıllıon 613 myń 851 saılaýshy tirkelgen. 150 depýtattyń 77-si proportsıonaldy júıemen, ıaǵnı partııalyq tizim boıynsha saılanady. Partııalyq oryndar úshin eki saılaý blogy jáne 14 partııa baq talastyrýda. Olar parlamentke saılaýshylar daýysynyń bes paıyzyn ıelengen jaǵdaıda ǵana ótedi.

Onymen qosa, taǵy 73 parlamentarıı bir mandatty okrýgter boıynsha ótedi. Majorıtarlyq okrýgter boıynsha sondaı-aq tek qana partııalardan túsken kandıdattar saılanatyn bolady. Zýgdıdı qalasynda tirkelgen jalǵyz táýelsiz kandıdat juma kúni óziniń kandıdatýrasyn alyp tastady.