Grýzııada opyrylǵan úıdiń astynda áli 8 adam qalyp qoıýy múmkin
NUR-SULTAN. QazAqparat – Grýzııanyń Batýmı qalasynyń meriniń mindetin atqarýshy Lela Sýrmanıdze 26 mamyr kóshesindegi qıraǵan úıdiń úıindisi astynda segiz adam izdestirilip jatqanyn aıtty, dep habarlaıdy QazAqparat batumelebi.ge aqparat agenttigine silteme jasap.
«Servıs ortalyqtyń menedjeri men seriktestik tóraǵasy osy úıde turatyn otbasylarmen baılanysty. 7-8 adam úıindi astynda qalyp qoıýy múmkin. Úıinde qalyp qoıǵan áıel bar. Turǵyndardyń bir bóligi balalar, olar mektepte bolǵan shyǵar, taǵy bir bóligi jumysta», - dedi Lela Sýrmanıdze.
Búgin, 8 qazanda Batýmıde turǵyn úıdiń kireberisi opyryldy. Merııanyń málimetinshe, 12 páter qıraǵan. Onyń neden opyrylǵany ázirge belgisiz.
