Grýzııada oppozıtsııa ókilderi joldy jaýyp tastady

TBILISI. QazAqparat – Grýzııa astanasy Tbılısıde oppozıtsııa ókilderi joldy jaýyp tastady, dep habarlaıdy newsgeorgia.ge.

Elde ádil saılaýdyń ótýin talap etkender Grýzııa Parlamenti aldyndaǵy Rýstavelı dańǵylyna jınalyp, kóshe qozǵalysyn shektep tastady.

«Polıtsııany zańdy buzbaýǵa shaqyramyn. Biz olarǵa qarsylyq tanytqymyz kelmeıdi. Biz beıbit túrde saıası jaǵdaılarǵa qarsy ekendigimizdi bildirgimiz keledi» , — dedi «Jańa Grýzııa» partııasynyń kóshbasshysy Georgıı Vashadze.