Grýzııada nemereleri 78 jastaǵy ájelerin atqan
ASTANA. QazAqparat - Oqıǵa Grýzııanyń Kýmıstavı aýylynda bolǵan. Alǵashynda boıkúıez nemereler zeınetkerdiń qulaǵyn shybyqpen túrtkileıdi, keıinirek pnevmatıkalyq qarýmen atady.
Bul týraly jergilikti BAQ 4 qarasha kúni jazdy, dep habarlady nation-news.ru.
Vıdeoda buzaqylardyń qartty mazaqtaı kúlgeni men kempirdiń ne bolǵanyn túsinbegen kúńkili anyq estiledi.
Bezbúırek jasóspirimderge qatysty quqyq qorǵaý organdarynyń shara qoldaný-qoldanbaýy ázirge belgisiz. Dese de, saıttaǵy beınejazbanyń qaralymy júz myńnan asqan jáne pikir bildirýshiler qanypezerlerdi jazalaýdy talap etýde.
