Grýzııada mýnıtsıpaldyq saılaýǵa qatysatyn partııalardyń tirkelýi aıaqtaldy

ASTANA. KAZINFORM – Aldaǵy 4 qazanǵa belgilengen mýnıtsıpaldyq saılaýǵa Grýzııada 14 saıası partııa qatysady. Bul týraly eldiń Ortalyq saılaý komıssııasy (OSK) habarlady, dep jazady Kazinform agenttiginiń menshikti tilshisi.

Tirkeý jergilikti ózin-ózi basqarý ókildik organdary — Sakrebýlo (mýnıtsıpaldyq keńester), sondaı-aq ózin-ózi basqaratyn qala men qaýym merlerin saılaýǵa daıyndyq aıasynda aıaqtaldy.

Resmı málimetke sáıkes, qujattaryn tapsyrǵan 17 saıası partııanyń 14-i tirkeýden ótip, saılaýǵa qatysý quqyǵyn aldy. Úsh partııa zańda belgilengen talaptarǵa saı kelmegendikten tirkeýden ótpedi.

Saılaý protsesiniń kelesi kezeńinde partııalyq tizimder, majorıtarlyq kandıdattar jáne mer laýazymyna úmitkerler usynylady. Tıisti qujattar 4 qyrkúıekten keshiktirilmeı aımaqtyq saılaý komıssııalaryna tapsyrylýy tıis. Qujattar tapsyrylǵan soń tekserý jáne úmitkerlerdi túpkilikti tirkeý protsesi bastalady.

Tirkelgen partııalardyń tizimi (saılaý nómirleri boıynsha):

1. «Otan, til, din» (№ 1)

2. «Grýzııa úshin konservatorlar» (№ 3)

3. «Grýzın birligi» (№ 4)

4. «Bizdiń birigken Grýzııa» (№ 5)

5. «Erkin Grýzııa» (№ 7)

6. «Grýzııa patrıottarynyń alıansy» (№ 8)

7. «Kúshti Grýzııa — Lelo» (№ 9)

8. «Solshyl alıans» (№ 10)

9. «Grýzııa» (№ 11)

10. «Jasyldar partııasy» (№ 12)

11. «Halyq bıligi» (№ 14)

12. «Gaharııa — Grýzııa úshin» (№ 25)

13. «Gırchı» (№ 36)

14. «Grýzın armany» (№ 41)

Mýnıtsıpaldyq saılaý eldegi eń aýqymdy saıası naýqan bolyp sanalady, bul kúni barlyq aýdan men qala turǵyndary jergilikti basshylaryn tańdaıdy.

Proportsıonaldy júıe boıynsha aýdandyq keńesterge (Sakrebýlo) ótý úshin partııalar keminde 4% daýys jınaýy qajet. Mer laýazymyna úmitker saılaýshylardyń jartysynan astamynyń qoldaýyna ıe bolýy tıis.

Parlamenttik saılaýdan aıyrmashylyǵy, munda nátıjeler ár aýdan boıynsha jeke esepteledi, sondyqtan olar bir-birinen edáýir erekshelenýi múmkin.

Aqpanda Grýzııa parlamenti úsh oppozıtsııalyq saıası koalıtsııadan saılanǵan 49 depýtattyń ókilettigin merziminen buryn toqtatty. 

Aıta ketelik Qazaqstan Grýzııaǵa týrısteri jıi saparlaıtyn úzdik 10 eldiń qataryna kirdi.