Grýzııada memlekettik ýnıversıtetterde tegin joǵary bilim engiziledi
ASTANA. KAZINFORM — Grýzııa premer-mınıstri Iraklıı Kobahıdze eldiń memlekettik ýnıversıtetterinde stýdentter úshin joǵary bilim tegin bolatynyn málimdedi, dep habarlaıdy Grýzııanyń Birinshi arnasy.
Ol sondaı-aq stýdentterdiń yntasyn jáne bilim berý protsesine qatysýyn arttyrýǵa baǵyttalǵan tetikter engizilip jatqanyn málimdedi.
Úkimet basshysy atap ótkendeı, eger stýdent semestr ishinde eki pánnen emtıhan tapsyra almasa, bul oqý protsesine jetkiliksiz qatysýyn kórsetedi. Mundaı jaǵdaıda úshinshi semestrden bastap memlekettik qarjylandyrý kólemi qysqarady.
Kobahıdzeniń aıtýynsha, bul sharanyń jalǵyz maqsaty — stýdentterdi oqýda jaýapkershilikti arttyrýǵa jáne joǵary akademııalyq úlgerim kórsetkishterin saqtaýǵa shaqyrý. Bul rette ol Grýzııa tarıhynda alǵash ret memlekettik ýnıversıtetterde oqý stýdentter úshin tolyǵymen tegin bolatynyn atap ótti.
Osyǵan deıin Grýzııa sheteldik stýdentterge arnalǵan erejelerdi kúsheıtkenin jazdyq.
