Grýzııada mektep túlekteri emtıhan tapsyrmaıtyn boldy

NUR-SULTAN. QazAqparat - Grýzııa Parlamenti eldiń jalpy bilim beretin mektepterinde qorytyndy emtıhandardy alyp tastaýdy kózdeıtin «Jalpy bilim berý týraly» zańǵa túzetýlerdi maquldady. Bul týraly osy eldegi «Birinshi arna» habarlady.

Grýzııalyq mektep oqýshylary 11 jáne 12 synyptarda qorytyndy emtıhandar tapsyrǵan bolsa, qazirgi tańda orta mekteptiń dıplomyn alý úshin túlekter barlyq pánder boıynsha 10 baldyq júıe boıynsha 5 upaıdan joǵary baǵa alýy kerek. Sondaı-aq, 2018-2019 oqý jylynyń bastalýyna deıin jalpy bilim berýdiń ortasha deńgeıin meńgergen, biraq qorytyndy emtıhanǵa qatyspaǵan oqýshylar mektep emtıhandarynan bosatylady.

Grýzııanyń Bilim mınıstrligi qorytyndy emtıhandardy joıý bilim berý júıesinde mekteptiń rólin kúsheıtetindigin aıtty. Oqý barysynda emtıhanǵa emes, oqýǵa kóbirek kóńil bólýdi qamtamasyz etý úshin osyndaı sharalar qabyldandy.