Grýzııada M. Saakashvılıdi otstavkaǵa ketirýdi talap etken aktsııa ótti
BAKÝ-TBILISI. 5 qańtar. QazAqparat - Keshe Tbılısıde, Batýmı men Kýtaısıde jáne Zýgdıdıde Grýzııanyń prezıdenti Mıhaıl Saakashvılıdi otstavkaǵa ketirý talabymen aktsııa ótti.
Aktsııany qoǵamdyq jáne saıası uıymdar ókilderi sanatynan quralǵan komıtet uıymdastyrdy. Aktsııanyń qatysýshylary málim etkendeı, M. Saakashvılıdiń prezıdenttik merzimi 2013 jyldyń 20 qańtarynda aıaqtalady. Ótken shaqyrylymnyń parlamenti qabyldaǵan Konstıtýtsııadaǵy qosymsha ózgertýlerge sáıkes, prezıdenttik saılaýdy ótkizý ýaqyty 2013 jyldyń qazan aıyna belgilendi.
Aktsııa uıymdastyrýshylary málim etkendeı, egerde Grýzııa prezıdenti halyqtyń talabyn eskermeı, elemeı, nazarǵa almaıtyn bolsa olar radıkaldy sharalardy qabyldaýǵa deıin barady. Olardyń sózine qaraǵanda, halyq grýzın astanasynyń ortasynda prezıdenttik saraıdyń aldynda pıket uıymdastyrýǵa deıin barady.
Ýltımatýmǵa 50-ge jýyq úkimettik emes jáne saıası uıymdar, onyń ishinde Grýzııanyń jasyldar qozǵalysy, «Yntymaqtastyq jáne ádilet» quqyq qorǵaý uıymy, «Tetrebı» jáne basqa da partııalar qol qoıdy.
