Grýzııada Kýtaısı, Batýmı jáne Gýrdjaanı qalalary sý astynda qaldy
ASTANA. 10 shilde. QazAqparat - Uzaqqa sozylǵan nóserli jańbyrdyń jáne ózenniń arnadan tasýy saldarynan Grýzııanyń batysynda ornalasqan Kýtaısı jáne Batýmı qalalaryn, eldiń shyǵysynda ornalasqan Kahetın óńirindegi Gýrdjaanı qalasyn sý basyp qaldy.
Sondaı-aq Gýrdjaanı - Tbılısı kólik magıstraliniń ortalyq ýchaskeleriniń biri sý astynda qaldy, dep habarlady Ýtro. rý.
Grýzındik BAQ-tyń málimetterine kóz júgirtsek, elektr ótkizý júıleri zaqymdalǵan, birqatar aýdandarda aýyz sýdyń berilýi toqtatyldy. Gýrdjaanı qalasy men shet aımaqtaǵy aýyldarda egin men úı qustary qyrylýda. Oǵan qosa kólikter de sý astynda qaldy.
Qazirgi ýaqytta órt sóndirýshiler men qutqarýshylar úılerdiń birinshi qabattarynan jáne kóshelerden sýdy sorý jumystaryn atqarýda. Oqıǵa oryndarynda keltirilgen shyǵyndy esepteý maqsatynda arnaıy komıssııa quryldy. Sınoptıkterdiń boljamy boıynsha, jańbyrly aýa raıy Tbılısıdi qosa alǵanda, Grýzııanyń barlyq aýmaǵynda 14 shildege deıin saqtalady.
