Grýzııada kóshkinniń saldarynan mert bolǵandar sany 12-ge jetti

TBILISI. QazAqparat – Grýzııanyń Shovı aýylynda tań atqaly izdeý-qutqarý jumystary júrgizilip jatyr. Osy kezde qutqarýshylarǵa ásker qosyldy, dep habarlaıdy QazAqparat Novostı-Grýzııa agenttigine silteme jasap.

Saıttaǵy málimetterge qaraǵanda, búgin saǵat 15:00-de kýrortty aýyldy kóshkin basyp qalǵanyna eki táýlik boldy.

Mert bolǵandar sany 12 adamǵa jetti, taǵy 25-29 adamǵa izdeý jarııalandy. Bul sandar qaıta-qaıta ózgerip jatyr, 210 adam evakýatsııalandy.

Qutqarýshylar búgin kóshkin basyp qalǵan saıajaılar men kottedjderge de jetedi degen úmit bar.

Grýzııanyń áleýmettik jelileri kóshkin kezinde joǵalyp ketken adamdardyń sýretterine toly.

Oqıǵa bolǵan aımaqqa eriktiler kelip jatyr. Alaıda polıtsııa arnaıy daıyndyǵy men qurylǵylary joq adamdardy jibermeýge tyrysýda.

Elde Aza tutý kúni 7-shi tamyzǵa belgilengenine qaramastan kóptegen oıyn-saýyq is-sharalaryna tyıym salyndy.

Osyǵan deıin Grýzııanyń taýly aımaǵynda kóshkin júrip, 70 adam evakýatsııalanǵanyn jazdyq.

Sondaı-aq Grýzııada qaraly kúni 7-shi tamyzǵa belgilengenin habarladyq.

Sýret - newsgeorgia.ge