Grýzııada koronavırýsqa qarsy vaktsına egý 15 naýryzda bastalady

TBILISI. QazAqparat - 15 naýryzda Grýzııa boıynsha 29 klınıkada koronavırýsqa qarsy vaktsına egý bastalady. Bul týraly osy eldiń Ulttyq aýrýlardy baqylaý jáne qoǵamdyq densaýlyq saqtaý ortalyǵynyń basshysy Amıran Gamkrelıdze málim etti. Bul týraly QazAqparat «Novostı-Grýzııa» agenttigine silteme jasap habarlaıdy.

«Tbılısıde osyndaı 10 vaktsınatsııa ortalyǵy bolady, Kýtaısı men Batýmıde tórteý, Rýstavı men Zýgdıdıde ekeý, al basqa aýdan ortalyqtarynda bireýden. 17 naýryzda taǵy 35 mekeme, al 19 naýryzda taǵy 23 mekeme qosylady. Osylaısha, bir aptadan keıin vaktsınatsııa protsesi eldiń barlyq mýnıtsıpaldyq ortalyqtaryna taralady», - dedi Gamkrelıdze.

13 naýryzda COVID-19 vaktsınasynyń birinshi partııasy - AstraZeneca-SKBio preparatynyń 43,2 myń dozasy Tbılısıge jetkizildi.

Ulttyq josparǵa sáıkes, Grýzııada eń aldymen sońǵy 120 kúnde koronavırýspen aýyrmaǵan medıtsınalyq qyzmetkerleri vaktsınatsııadan ótedi. Aldyn ala málimetter boıynsha, bul elde olardyń sany – 54 myń.

AstraZeneca vaktsınasynyń Grýzııaǵa kelesi jetkizilimi (86,4 myń doza) sáýir aıyna josparlanyp otyr. Aldaǵy aptalarda elge amerıka-germanııalyq Pfizer-BioNTech konsortsıýmynan shamamen 30 myń doza vaktsına jetkizilýi kerek. Dárigerlerdi vaktsınalaý bitkennen keıin benefıtsıarlar men qarttar úıiniń qyzmetkerlerine, sodan keıin - 75 jastan asqan barlyq azamattarǵa ekpe egile bastaıdy.