Grýzııada koronavırýs juqtyrǵandar sany 200 myńnan asty

TBILISI. Grýzııa jańalyqtary-QazAqparat - Grýzııada sońǵy táýlikte 2 981 adam koronavırýs juqtyrdy. Bul jaıynda vedomstvoaralyq úılestirý keńesine qarasty shuǵyl shtab basshysynyń orynbasary Berdııa Sıchınava brıfıngte aıtty, dep habarlaıdy QazAqparat Grýzııa jańalyqtaryna silteme jasap.

Elde qaýipti indetke shaldyqqandardyń jalpy sany 201 368 boldy.

Sońǵy 24 saǵatta 17 029 test jasalǵan. Onyń 8,9 myńy - ekspress, qalǵany - PTR test.

Jańadan aýrý juqtyrǵandaryń 43 paıyzy nemese 1282-si - Tbılısı turǵyndary.

Ótken táýlikte 31 syrqat koronavırýstan kóz jumǵan. Jalpy, aýrýdan qaıtys bolǵandardyń sany 1 953 adamǵa jetti.

2001 adam koronavırýstan jazyldy, al el boıynsha indetten jazylǵandar sany 169 myńnan asty.

Qazirgi tańda elde 30 myńnan astam adam COVID-19 dertimen aýyryp jatyr. Onyń ishinde 6 758 adam - aýrýhanada, 21 102 naýqas - úıinde, qalǵan 2 247 adam - arnaıy jabdyqtalǵan kovıd qonaq úıde emdelip jatyr.

Onyń ishinde 1 130 syrqattyń jaǵdaıy nashar. 430 adam ókpeni jasandy jeldetý apparatyna qosylǵan.

Grýzııada 471 azamat karantınde bolsa, 47 764 adam ózin-ózi oqshaýlaǵan.