Grýzııada koronavırýs juqtyrǵan alǵashqy jaǵdaı tirkeldi
Bul týraly Grýzııanyń densaýlyq saqtaý mınıstri Ekaterına Tıkaradze men eldiń Aýrýdy baqylaý jáne qoǵamdyq densaýlyq jónindegi ulttyq ortalyq basshysy Amıran Gamkrelıdze úkimet ákimshiliginde bolǵan brıfıngide málimdedi.
Infektsııa juqtyrǵan 50 jastaǵy er adam. Ol bir aptaǵa dosymen birge Iranǵa saıahattaǵan. Er adam Ázerbaıjan arqyly Grýzııaǵa oralǵan. Shekarada odan aýrýdyń belgileri anyqtalǵan. Qazirgi ýaqytta er adam Tbılısı ortalyq juqpaly aýrýhanasynda karantınge jatqyzyldy. Bul rette naýqas emhanaǵa reanomobılmen jetkizilgen, jolaı adamdarmen baılanysqa túspegen. Sondaı-aq, onyń erip kelgen tanysy da tekserildi, biraq odan koronavırýs tabylmady.
«Bizde alańdaýǵa negiz joq, óıtkeni Grýzııada ınfektsııa bolmaýy úshin barlyq sharalardy qabyldaımyz», — dep atap ótti Tıkaradze. Mınıstr sondaı-aq Grýzııa úkimeti eki aptaǵa Ázerbaıjanmen shekarany jabý týraly sheshim qabyldaǵanyn habarlady.
Sonymen qatar, Gamkrelıdze Ázerbaıjannan kelgen er adamnyń baǵdarlyq taksımen jetkenin aıtty. Densaýlyq saqtaý mınıstrliginiń tıisti qyzmetteri barlyq yqtımal baılanystardy anyqtaý úshin vırýs juqtyrǵan adamnyń barǵan jerlerin anyqtaı bastady. Sondaı-aq, Dúnıejúzilik densaýlyq saqtaý uıymyna Grýzııadaǵy alǵashqy ınfektsııa juqtyrý jaǵdaıy týraly habarlanady.
Mınıstr bul vırýs juqtyrý qaýpin tómendetetinin, sondaı-aq ınfektsııa juqtyrǵan adamdarmen baılanysqan keden qyzmetkerleri de karantınge alynatynyn atap ótti.
Tbılısı juqpaly aýrýlar aýrýhanasynyń dırektory Tengız Tsertsvadze jýrnalısterge koronavırýs juqtyrǵan adamnyń jaǵdaıyn aıtyp berdi.
«Qazirgi ýaqytta onyń jaǵdaıy qanaǵattanarlyq, dene qyzýy kóterilmegen, ókpe qabynýy joq. Bul kezeńde onyń jaǵdaıy eshqandaı ıntensıvti terapııa júrgizýdi qajet etpeıdi. Eger qajet bolsa, ol barlyq múmkin emdeý kezeńderinen ótedi «, - dep málimdedi Tsertsvadze.
