Grýzııada qonaqúı baǵasy bir jylda 8 paıyzǵa qymbattady
ASTANA. KAZINFORM — Qonaqúı sektorynyń bıylǵy qyrkúıektegi jumysy boıynsha derekterdi PMCG konsaltıngtik kompanııasy taldady, dep habarlaıdy Newsgeorgia.
Zertteý nátıjesine sáıkes, úsh, tórt jáne bes juldyzdy qonaqúılerdegi baǵa bir jylda 8 paıyzǵa, al otbasylyq úlgidegi qonaqúılerde 7,9 paıyzǵa ósken.
Qyrkúıek aıynda eldegi bes juldyzdy qonaqúıde bir nómirdiń ortasha baǵasy 546 ları bolǵan. Úsh juldyzdy qonaqúıde turý quny – 186 ları, al tórt juldyzdy qonaqúıde 290 ları bolǵan.
Otbasylyq úlgidegi qonaqúılerde bir táýliktiń ortasha quny 130 ları.
2026 jylǵy tamyzben salystyrǵanda, qyrkúıekte Grýzııadaǵy qonaqúı baǵasynyń ındeksi 7,2 paıyzǵa tómendegen. Otbasylyq úlgidegi qonaqúılerde de baǵa 7,2 paıyzǵa arzandaǵan. Al úsh, tórt jáne bes juldyzdy qonaqúılerde tómendeý 8,7 paıyzdy quraǵan.
Aıta ketelik grýzın sharaby jalǵan ónimnen úsh deńgeıli qorǵanyspen qamtamasyz etiletini týraly jazǵan edik.
