Grýzııada qazaqstandyq tizgindegen kólik apaty: 5 adam mert boldy

ASTANA. QazAqparat - Grýzııada elimizdiń azamaty basqaryp kele jatqan júk kóligi jol apatyna ushyrady. Oqıǵadan 5 adam qaz tapqan, dep habarlaıdy Habar 24.

Apatqa júk kóliginiń tirkemesiniń ajyrap ketýi sebep bolǵan. Sóıtip janyndaǵy avtokólikke soǵylǵan. Al onda otyrǵan alty adamnyń barlyǵy bir otbasynyń múshesi. Olardyń bireýi ǵana aman qaldy. Qazir aýrýhanada jatyr.

Al júk kóligin júrgizip kele jatqan qazaqstandyq azamat qamaýǵa alyndy. Osy iske qatysty tergeý amaldary júrip jatyr.

Grýzııalyq tarap 24 saǵattyń ishinde sol eldegi Qazaqstan elshiligine qazaqstandyqtyń tutqyndalǵany týraly resmı habarlaýy tıis.

«Bul oqıǵa janyńdy túrshiktiredi. Tirkeme mınıven kóligimen soqtyǵysqan. Onyń ishindegi alty adamnyń beseýi oqıǵa ornynda kóz jumdy. Bireýi kishkentaı qyz bala. Taǵy biri júkti áıel», - dedi jedel járdem qyzmetiniń dárigeri Davıd Chhartıshvılı.