Grýzııada ınflıatsııa sońǵy eki jylda eń joǵary shegine jetti

ASTANA.KAZINFORM — Grýzııada tamyz aıynda jyldyq ınflıatsııa 4,6 paıyzdy qurady, bul sońǵy eki jyldaǵy eń joǵary kórsetkish, dep habarlaıdy Kazinform tilshisi.

Shilde aıymen salystyrǵanda tutyný baǵasy 0,3%-ǵa ósti.

«Sakstat» ulttyq statıstıka qyzmeti tutyný qorjynyn kórsetetin 305 taýar men qyzmet qunynyń ózgerýi negizinde tutyný baǵalarynyń ındeksin esepteıdi.

Baǵanyń eń kóp ósýi azyq-túlik ónimderi men alkogolsiz sýsyndar tobynda tirkeldi — jylyna orta eseppen +10%.

Baǵanyń kúrt ósýi lımon (99%-ǵa), qara órik (+82%), shabdaly (+62%), kakao (+28%), júzim (+25%) jáne balmuzdaq (+24%) boıynsha tirkeldi.

Keıbir maýsymdyq kókónister, kerisinshe, arzandady. Máselen, qyzanaq 33 paıyzǵa, qııar 31 paıyzǵa, baklajan 16 paıyzǵa arzandady.

Densaýlyq saqtaý taýarlary men qyzmetteri tobynda baǵalar 9,3%-ǵa ósti, onyń ishinde:

Ambýlatorııalyq-emhanalyq qyzmet 10,8%-ǵa, alkogol men temeki ónimderiniń baǵasy 4,7%-ǵa ósti.

Al kólik sektorynda baǵanyń 2,4%-ǵa tómendeýi baıqaldy. Alaıda kólikterdi satyp alý 0,5%-ǵa, kólik qyzmeti 0,3%-ǵa qymbattady.

Sarapshylardyń pikirinshe, ınflıatsııanyń ósýine maýsymdyq faktorlar da, azyq-túlik pen ımporttyq taýarlarǵa álemdik baǵanyń yqpaly da áser etip otyr. Aldaǵy aılarda ınflıatsııalyq qysym saqtalýy múmkin, ásirese agrarlyq sektorda.

Tamyz aıynda Grýzııa ekonomıkasynyń ósý qarqyny 6,3%-ǵa deıin tómendegeni habarlanǵan bolatyn.