Grýzııada ІІM-niń eks-mınıstri men eldiń Qarýly kúshteri Birlesken shtabynyń basshysy qamaýǵa alyndy
BAKÝ-TBILISI. 7 qarasha. QazAqparat - Búgin tańerteń Grýzııa Qarýly kúshteri (QK) Birlesken shtabynyń bastyǵy Gıorgı Kalandadze eldiń Qorǵanys mınıstrliginiń ákimshilik ǵımaratynda tutqyndaldy.
Qamaýǵa alý bas prokýror Archıla Kbılashvılıdiń kóz aldynda Ádilet mınıstri Teı Tsýlýkıanıdiń buıryǵymen oryndaldy. Sondaı-aq Grýzııa QK 4-inshi brıgadasynyń bastyǵy Zýrab Shamatava da tutqyndaldy.
Olardy ustaý ókilettikti asyra paıdalaný boıynsha Grýzııa Qylmystyq kodeksiniń 332-babyna sáıkes júzege asyryldy.
Onymen qosa, búgin túnde osyndaı aıyptaýlar boıynsha burynǵy ishki ister mınıstri Bacho Ahalaıanyń qolyna kisen taǵyldy. Tutqyndaý onyń Grýzııa ishki ister mınıstri bolǵan kezdegi kezeńimen baılanysty.
Grýzııa Prezıdenti Mıhaıl Saakashvılıdiń dosy Bacho Ahalaıa Vano Merabıshvılı premer bolyp taǵaıyndalǵannan keıin, naqty aıtqanda, aǵymdaǵy jyldyń jazynda Grýzııa Іshki ister mınıstrligin basshylyqqa aldy.
B. Ahalaıa «túrmeden shyqqan» daý-damaıǵa qatysty prezıdenttik saılaýǵa birneshe kún qalǵanda óz erkimen otstavkaǵa ketken bolatyn. Ol otstavkasyn sottalǵandarǵa jábir kórsetkenderdiń arasynda ózi Jazalaýdy oryndaý jónindegi departamentti basqarǵan kezde jumysqa qabyldaǵan adamdar bolǵany úshin óziniń moraldyq jaýapkershiligin sezinip otyrǵandyǵymen túsindirdi.
Ustalǵandarǵa resmı aıyptar 48 saǵattyń ishinde taǵylýy tıis.
Aıta keteıik, bılikke «Grýzııa armany» koalıtsııasy kele sala, jańa Qorǵanys mınıstri Iraklı Alasanııa vedomstvoda 113 mln. AQSh dollary maqsatsyz jumsalǵandyǵy týraly málimdegen bolatyn.
