Grýzııada eresek halyqtyń 37 paıyzy koronavırýsqa qarsy tolyq vaktsına aldy

TBILISI. QazAqparat - Grýzııada koronavırýsqa qarsy vaktsınalaýdyń tolyq kýrsyn 1 046 097 adam ótti, bul eldegi eresek halyqtyń 36,6 paıyzyn qurap otyr. Bul týraly Grýzııanyń aýrýlar men qoǵamdyq densaýlyqty qadaǵalaý Ulttyq ortalyǵynan málimdedi, dep habarlaıdy QazAqparat Grýzııa jańalyqtaryna silteme jasap.

Elde vaktsınalaý qarqyny birshama artqan. Sońǵy apta ishinde ekpeni tolyq saldyrtqandar sany 28 723 adamǵa ósti.

Vaktsınanyń bir ǵana dozasyn saldyrtqandardy esepke alǵanda, ekpe alǵandardyń jalpy sany 1 230 347 adamǵa (eresek turǵyndardyń 43,3 paıyzy) jetti.

Býsterlik dozalardy 31 256 adam alǵan. Grýzııanyń Densaýlyq saqtaý mınıstrligi 7 jeltoqsanda býster-ekpeniń merzimin alty aıdan úsh jáne bes aıǵa deıin qysqartqan.

[17:06, 12.12.2021] [phone]: Osylaısha, 12 jeltoqsandaǵy jaǵdaı boıynsha, Grýzııada jalpy alǵanda 2 308 497 ekpe salyndy. Sonyń ishinde COVID-19 vırýsyna qarsy 6 817 ekpe keshe, senbi kúni salyndy.

Grýzııada koronavırýsqa qarsy vaktsınalaý 15 naýryzda bastalyp, 5 shildede jalpylama sıpatqa ıe boldy.

Qazirgi kezde Grýzııada qaýipti vırýsqa qarsy vaktsınany 12 jastan asqan azamat saldyrta alady.