Grýzııada el prezıdenttigine 25 adam talasady
TBILISI. QazAqparat - Grýzııada el prezıdenttigine úmitkerlerdi tirkeý protsesi aıaqtaldy. 28 qazanda ótetin saılaýǵa qatysýǵa nıet bildirgen 46 úmitkerden 25-i resmı túrde tirkeldi. Bul jóninde jeksenbi kúni brıfıngte Ortalyq saılaý komıssııasynyń baspasóz-spıkeri Anna Mıkeladze málim etti, dep habarlaıdy QazAqparat «Grýzııa jańalyqtary» agenttigine silteme jasap.
25 úmitkerdiń 19-y saıası partııalar, 6-ýy bastamashy toptardyń atynan qatysýda. Saılaýǵa qatysýǵa ruqsat alý úshin prezıdenttikke árbir úmitker kem degende 25 923 saılaýshynyń qolyn jınaýy tıis.
«Zańnamaǵa sáıkes, prezıdenttikke tirkelgen úmitker saılaýǵa 12 kún qalǵanǵa deıin (16 qazandy qosqa alǵanda) OSK-ǵa jazbasha ótinish berip, óz kandıdatýrasyn alyp tastaı alady. Atalǵan merzim aıaqtalǵan soń barlyq úmitkerler saılaý bıýlletenderine engiziletin bolady», - dedi Mıkeladze.
OSK-ǵa tirkelý úshin barlyǵy 46 sýbekt ótinish bildirgen: 26-y bastamashy toptardan, 20-y saıası partııalardan. 21 úmitkerdi tirkemeýge ártúrli quqyqtyq negizder sebep bolǵan.
