Grýzııada depýtattyqqa úmitkerler bir-birin sabady
ASTANA. QazAqparat - Grýzııada depýtattyqqa úmitker eki kandıdat «Iberııa» telekompanııasynyń tikeleı efırinde tóbelesip qaldy.
Bul týraly Ranorama.am habarlady. Suhbat barysynda saıasatkerlerdiń pikirleri kelispeı qalǵan. Aldymen olar daýys kótere sóılese bastady, keıin sý quıylǵan staqandardy laqtyryp, bir-birin sabaı jóneldi. Baǵdarlama júrgizýshisi olardy ajyratýǵa tyrysqanymen, onysynan túk shyqpaı, nátıjesinde efırdi toqtatýǵa májbúr boldy.
Grýzııada parlamenttik saılaý 8 qazanǵa belgilengen.
