Grýzııada bankke hakerlik shabýyl jasady degen kúdikpen eki adam ustaldy
ASTANA. KAZINFORM — Tbılısıde polıtsııa Grýzııadaǵy bankterdiń biriniń kompıýterlik júıesine qarjylyq paıda tabý maqsatynda zańsyz aralasqan degen kúdikpen eki adamdy ustady, dep habarlaıdy NewsGeorgia.
Tergeý málimetinshe, kúdiktiler top bolyp áreket etip, aqsha jymqyrýdyń zańsyz josparyn aldyn ala ázirlegen. Josparyn júzege asyrý nátıjesinde olar bankke 374 715 ları, ıaǵnı shamamen 144 myń dollar kóleminde shyǵyn keltirgen.
Grýzııa Іshki ister mınıstrligi banktiń ataýyn jáne kúdiktilerdiń onyń kompıýterlik júıesine naqty qandaı jolmen qol jetkizgenin habarlaǵan joq.
Eki kúdikti de sot sheshimi negizinde ustaldy.
Qylmystyq is Grýzııa Qylmystyq kodeksiniń 286-baby boıynsha tergelip jatyr. Bul bap qarjylyq paıda tabý maqsatynda adamdar tobynyń kompıýterlik júıeniń jumysyna zańsyz aralasýyn qarastyrady. Mundaı qylmys úshin 10 jylǵa deıin bas bostandyǵynan aıyrý jazasy kózdelgen.
Buǵan deıin AQSh-taǵy sýmen jabdyqtaý júıelerine hakerlik shabýyldar jasalǵanyn habarlaǵan edik.
