Grýzııada avtobýs jardan qulap, keminde 17 adam mert boldy
NUR-SULTAN. TASS-QazAqparat – Grýzııanyń soltústik-shyǵysyndaǵy Dýshet mýnıtsıpalıteti aýdanyndaǵy taýly aımaqtaǵy jolda avtobýs jardan qulap ketken. Oqıǵanyń saldarynan keminde 17 adam mert boldy.
Bul týraly Grýzııanyń Іshki ister mınıstrliginen habarlandy, dep jazady QazAqparat reseılikTASS agenttigine silteme jasap.
«Osy ýaqyttaǵy málimetterge sáıkes, oqıǵanyń saldarynan keminde 17 adam mert bolyp, 3 adam zardap shekken»,-delingen habarlamada.
Qutqarýshylar zardap shekkenderdi qaýipsiz jerge jetkizip, artynan jedel járdem qyzmeti olardy aýrýhanaǵa alyp ketken. Osyǵan deıin Grýzııanyń Іshki ister mınıstrligi 12 adamnyń qaıtys bolǵanyn habarlaǵan.
Vedomstvonyń málimetinshe, jol apaty Bıso aýylynyń mańynda bolǵan. Mıkroavtobýs 80 m bıiktikten tasqa qulaǵan.
Ázirge apattyń sebep-saldary týraly eshqandaı aqparat joq. Grýzııanyń Іshki ister mınıstrligi jol apatyna qatysty tergeýdi bastady.
