10:50, 15 Shilde 2024 | GMT +6

Grýzııada adam óltirmek bolǵan kúdikti Qazaqstanǵa ekstradıtsııalandy

Грузияда адам өлтірмек болған күдікті Қазақстанға экстрадицияланды — Фото: polisia.kz

ASTANA. KAZINFORM – Bas prokýratýra men Interpol qyzmetkerleri Qazaqstan Syrtqy ister mınıstrliginiń kómegimen Grýzııadan adam óltirýge oqtalǵan kúdikti Qazaqstanǵa ekstradıtsııalandy.

Bas prokýratýranyń málimetinshe, buryn qaraqshylyq jasaǵany úshin sottalǵan kúdikti 2022 jyly tamyzda Temirtaý qalasynda jábirlenýshige pyshaqpen dene jaraqattaryn keltirgen. Qylmys jasaǵannan keıin kúdikti tergeýden jaltaryp, halyqaralyq izdeýge jarııalanǵan.

2023 jylǵy qazanda ol Grýzııada ustaldy. Bas prokýratýranyń suraýy boıynsha Grýzııa tarapy ony Qazaqstanǵa ekstradıtsııalaý týraly sheshim qabyldady.

Qazir ol Astana qalasyndaǵy tergeý ızolıatoryna qamaldy.

Aıyptalǵan qylmysty jasaǵany úshin 8 jyldan 15 jylǵa deıingi merzimge bas bostandyǵynan aıyrý jazasy qarastyrylǵan.

Tegter:

Грузия ҚР Бас прокуратурасы ҚР СІМ Қылмыс Қоғам Кісі өлтіру

Сейчас читают