Grýzııada 70-ten astam adam «dońyz tumaýyna» shaldyqty
ASTANA. 27 qańtar. QazAqparat - "26 qańtardaǵy jaǵdaı boıynsha, Grýzııada zerthanalyq jolmen rastalǵan «dońyz tumaýyn» juqtyrýdyń 70 shaqty oqıǵasy tirkelip otyr", -
dep habarlady Grýzııanyń Eńbek, densaýlyq saqtaý jáne áleýmettik máseleler jónindegi mınıstri Andreı Ýrýshazde Úkimet májilisinde. Bul týraly RBK agenttigi habarlady.
«Zerthanalyq jolmen ázirge rastalmaǵan oqıǵalardyń sany odan áldeqaıda kóp, biraq bul baıbalam salýǵa negiz joq», - deıdi mınıstr.
A.Ýrýshadzeniń aıtýynsha, eldiń barlyq aýrýhanalary «tumaýdy» emdeýge qajetti dári-dármektermen qamtamasyz etilgen, ambýlatorııalyq qyzmettiń qoljetimdiligi de artyp otyr.
Esterińizge sala keteıik, Grýzııada jyldyń basynan beri tórt adam «dońyz tumaýynan» kóz jumdy, onyń úsheýi - júkti áıelder. Kýtaısı dárigerleri, naýqastardyń dárigerlerdyń aldyna tym kesh kelgenderin, sondyqtan da jasalǵan em-domdardyń oń nátıje bermegenin aıtyp otyr. Osyǵan oraı Grýzııanyń densaýlyq saqtaý mınıstrligi azamattarǵa tumaýdyń alǵashqy belgileri baıqalǵa sátte dereý dárigerdiń aldyna barýǵa keńes berip otyr.
