Grýzııada 6 aıdan astam shetelde júrgen azamat medsaqtandyrýdan aıyrylady
ASTANA. KAZINFORM – Grýzııada 6 aıdan astam ýaqyt boıy shetelde júrgen azamattar memlekettik medıtsınalyq saqtandyrýdan shyǵarylady, dep habarlaıdy Newsgeorgia.
Bul týraly eńbek, densaýlyq saqtaý jáne áleýmettik qorǵaý mınıstri Mıhaıl Sardjveladze qol qoıǵan buıryqta kórsetilgen.
Bul sheshim 2026 jylǵy 1 maýsymnan bastap kúshine enedi. Ózgerister kúshine engenge deıin azamattyń tirkeý mártebesin tekserý krıterıılerin mınıstr bekitýi tıis.
Azamatty baǵdarlamaǵa qaıta qosý tek onyń jazbasha ótinishi negizinde ǵana múmkin bolady.
Esterińizge sala keteıik, jalpyǵa birdeı densaýlyq saqtaý baǵdarlamasy Grýzııada 2013 jyldan beri jumys isteıdi. Onyń aıasynda vaktsınatsııa, shuǵyl medıtsınalyq kómek, jedel operatsııalar, bosandyrý, týberkýlezdi, VICh/SPID-ti jáne sırek kezdesetin aýrýlardyń basym bóligin emdeý, qant dıabetimen aýyratyn naýqastarǵa kómek, sondaı-aq dıalız rásimderi tegin kórsetiledi.
Keıbir ambýlatorlyq qyzmetter ishinara (orta eseppen 25%) óteledi.
Azamat jeke medıtsınalyq saqtandyrýǵa kóshken jaǵdaıda da baǵdarlama qatysýshysy mártebesinen aıyrylady. 2025 jylǵy qyrkúıektegi jaǵdaı boıynsha halyqtyń 21%-y jeke medıtsınalyq saqtandyrýdy paıdalanǵan.
2026 jylǵa arnalǵan bıýdjette jalpyǵa birdeı densaýlyq saqtaý baǵdarlamasyna 1,5 mlrd ları qarastyrylǵan. Bul 2025 jyldyń bastapqy bıýdjetimen salystyrǵanda 280 mln larıǵa kóp.
Aıta ketelik Grýzııada jyldyq ınflıatsııa jeltoqsanda 4%-ǵa jetti.