Grýzııada 49 jastaǵy er adam úıiniń balkonynan avtomattan oq jaýdyryp, 5 adamdy óltirdi
ASTANA. QazAqparat – Grýzııanyń Іshki ister mınıstrligi ótken túni Sagaredjo qalasynda bolǵan atys saldarynan Kahetııa polıtsııa bóliminiń aýdandyq bóliminiń aǵa jedel ýákili, polıtsııa aǵa leıtenanty, 38 jastaǵy Otar Gvınashvılıdiń qaza tapqanyn rastady.
Bul týraly QazAqparat Novostı-Grýzııa saıtyna silteme jasap habarlaıdy.
Oqıǵa ornyna alǵashqylardyń biri bolyp jetken ol óz páteriniń balkonynan kóshedegi adamdarǵa oq atqan burynǵy áskerı qyzmetkerdiń qolynan qaza tapty.
Іshki ister mınıstrligi marqumnyń otbasyna qaıǵyryp kóńil aıtady.
Qylmystyń sebepteri ázirge belgisiz. 49 jastaǵy Nodar Atýashvılı túngi saǵat bir shamasynda aýlada turǵan kórshilerine avtomattan oq jaýdyrǵan. Oqıǵa ornynda bes adam qaza taýyp, taǵy bes adam jaraqat aldy.
Іshki ister mınıstrliginiń málimetinshe, oq atqan adam oqıǵa ornyna arnaıy jasaq jetkende óz-ózine qol saldy.
Foto: newsgeorgia.ge
