Grýzııada 39 adam el prezıdenttigine kandıdat retinde tirkeldi

ASTANA. QazAqparat - 8 qyrkúıek kúni Grýzııadaǵy Ortalyq saılaý komıssııasyna el prezıdentine kandıdattardy tirkeý úshin ótinish berý ýaqyty aıaqtalady, dep habarlaıdy QazAqparat Armenpress-ke silteme jasap.

Qazirgi tańda el basqarýǵa úmitkerler sany 39-ǵa jetken. Onyń 20-syn bastamashyl toptar usynyp otyrsa, qalǵan 19-y saıası partııalardyń atynan saılaýǵa túsip otyr.

Kandıdattardy qoldap, qoıylǵan qoltańbalar tizimi saılaý kúnine 40 kún qalǵanǵa deıin Ortalyq saılaý komıssııasyna ótkizilýi tıis. Kem degende 23 923 (barlyq saılaýshylardyń 0,75%) qol jınalýy kerek. Olardy teksergennen keıin OSK daýys berý kúnine kem degende 30 kún qalǵanǵa deıin qujattary men qoldaýshylar qolynyń sany tıisti zań talaptaryna saı keletin kandıdattardy memleket prezıdenttigine úmitker retinde tirkeıdi.

Qazirgi ýaqytta tek 4 kandıdat qana jan-jaqty tirkeýden ótti. Olar - Mıhaıl Salýashvılı («Ádildikti qaıta ornatý odaǵy «Halyq úni»: Qudaı bizdiń týra jol» partııasy), Zvıad Bagdavadze («Azamattyq platforma - jańa Grýzııa»), Shalva Natelashvılı (Grýzııanyń Leıborıstik partııasy) jáne Davıd Bakradze («Eýropalyq Grýzııa - erkindikke baǵyttalǵan qozǵalys»).