Grýzııa úkimeti eldegi eń úlken balalar aýrýhanasyn satady
ASTANA. 16 mamyr. QazAqparat - Grýzııada Tbılısıde ornalasqan eldegi eń úlken aýrýhana - Iashvılı atyndaǵy Ortalyq balalar klınıkalyq aýrýhanasyn satý boıynsha aýktsıon jarııalandy.
Bul týraly jergilikti BAQ aqparattaryna silteme jasaı otyryp, Ýtro.rý agenttigi habarlaǵan.
Nysannyń bastapqy quny 6 mln. larıdi quraıdy (shamamen 4 mıllıon AQSh dollary). Grýzııanyń Ekonomıka jáne turaqty damý mınıstrliginiń málimetterine súıensek, klınıka elektrondy aýktsıon arqyly satylymǵa túsedi. Onyń sharttaryna sáıkes, klınıkany satyp alǵan jańa qojaıyn onyń qazirgi keskinin jeti jyl ishinde saqtaýy kerek. Klınıkany jekeshelenirý jónindegi aýktsıon qorytyndysy 2011 jyldyń 26 mamyrynda belgili bolady dep kútilýde.
