Grýzııa túrmelerindegi azaptaýlarǵa baılanysty eldiń ishki ister mınıstri B.Ahalaıa otstavkaǵa ketti
ASTANA. 21 qyrkúıek. QazAqparat - Grýzııanyń Іshki ister mınıstri Bacho Ahalaıa otstavkaǵa ketti. Bul týraly Reseı Jańalyqtary habarlady.
Onyń ornyna mınıstrlik basshysynyń birinshi orynbasary bolǵan Ekaterına Zgýladze taǵaıyndaldy.
«Men óz elimniń azamaty retinde №8 Gldansk túrmesinde anyqtalǵan qylmystarǵa ashynýdamyn. Men sońǵy jyldary jazany oryndaý jónindegi júıede jumys istemeıtinime qaramastan, mundaı óreskel faktilerge jol bermeýi tıis bolǵan keıbir basqarýshy tulǵalar júıede men basshylyq etken kezden bastap jumys isteı bastady. Osyǵan oraı, bul sum tájirıbeni joıa almaǵandyǵymyz úshin men moraldyq jáne saıası jaýapkershilikti sezinip, prezıdenttiń atyna otstavkaǵa jiberý týraly ótinish bildirdim», - delingen Ahaıanyń málimdemesinde.
Eske salaıyq, osy aptanyń basynda Grýzııada janjal shyqty: Respýblıkanyń Іshki ister mınıstrligi Tbılısıdiń №8-shi Gldansk túrmesinde sottalǵandarǵa zorlyq-zombylyq kórsetý oqıǵalary týraly habarlady. Qaraýshylar jazalaryn óteýshilerdi uryp-soǵyp, zorlaǵan. Qyzmetkerler óz qylmystaryn vıdeoǵa túsirip otyrǵan. Jazany oryndaý jónindegi mınıstrliktiń, sonyń ishinde mınıstrlik departamenti basshysynyń orynbasary men Gldansk túrmesiniń dırektory qamaýǵa alyndy.
Tbılısı men Grýzııanyń basqa da qalalarynda narazylyq aktsııalary ótti.
