Grýzııa týrızmnen túsken tabys boıynsha rekord ornatty: alty aıda 2 mıllıard dollar

ASTANA.KAZINFORM — Galt & Taggart ınvestıtsııalyq bankiniń málimeti boıynsha, 2025 jyldyń birinshi jartyjyldyǵynda Grýzııanyń halyqaralyq týrızmnen túsken kirisi 2 mıllıard dollarǵa jetti, bul 2024 jylmen salystyrǵanda 6,2 paıyzǵa artyq. Bul rekordtyq kórsetkish, dep habarlaıdy Business Media. 

Bıylǵy jyldyń ekinshi toqsanynda týrızm Grýzııa ekonomıkasyna 1,2 mıllıard dollar ákeldi, bul ótken jyldyń osy kezeńimen salystyrǵanda 9,1%-ǵa ósti. Galt & Taggart 2025 jyldyń sońyna qaraı jalpy týrızm kirisi 4,5 mıllıard dollarǵa jetýi múmkin dep boljaıdy.

Baıandamada Grýzııa ulttyq týrızm basqarmasynyń resmı statıstıkasy keltirilgen. Málimetterge sáıkes, 2025 jyldyń ekinshi toqsanynda elge 1,6 mıllıon sheteldik qonaq barǵan (ósim 7%). Onyń 80,1% elde túnep qalsa, bir kúnge kelgender sany 5,4%-ǵa azaıǵan.

Saparlardyń jalpy ósýine eń úlken úlesti Reseı (+16,0%), EO elderi (+20,5%), Armenııa (+7,2%) jáne Úndistan (+33,5%) qosty. Ázerbaıjannan barǵan týrıster sanynyń ósimi de tirkelip, elder arasyndaǵy týrıster úshin qurlyq shekarasynyń jabyq bolýyna qaramastan 46,7%-ǵa ósti.

Túrkııadan baratyn týrıster sany tómendegen (-16,5%) jáne Irannan (-8,2%) tirkeldi.

Birinshi toqsanda Qazaqstan Grýzııadaǵy týrıster sany boıynsha alǵashqy 10 eldiń qataryna endi.

Buǵan deıin qazaqstandyqtar áleýmettik jelilerde elge kirýden negizsiz bas tartý, sondaı-aq kedenshiler men jekelegen jergilikti turǵyndar tarapynan dórekilik faktileri týraly shaǵymdanǵan bolatyn. Qazaqstan Respýblıkasynyń Syrtqy ister mınıstrligi Grýzııadaǵy qazaqstandyqtardyń shaǵymdaryna qatysty jaǵdaıdy túsindirdi.