Grýzııa TMD-ǵa qaıta kirýdi josparlamaıdy
ASTANA. 18 qarasha. QazAqparat - Grýzııa TMD-ǵa esh ýaqytta qaıta kirmeıdi jáne osyndaı usynystardyń esh negizi joq.
Bul týraly senbi kúni Grýzııanyń syrtqy ister mınıstri Maııa Pandjıkıdze «Rýstavı-2» telearnasynyń tikeleı efırinde málim etti.
«Biz TMD-ǵa ený týraly eshbir resmı usynys alǵanymyz joq jáne ondaǵylar mundaı sheshimniń múmkin emestigin jaqsy túsinedi dep oılaımyn», - dep atap ótti M.Pandjıkıdze.
«Grýzııa tek eki uıymǵa ǵana kirýge nıetti - Eýropalyq odaqqa jáne NATO-ǵa», - dep qosty grýzııalyq mınıstr.
«Bizdiń barlyq strategııamyz osyǵan baǵyttalǵan jáne TMD-ǵa qosylý týraly áńgime múldem bolyp jatqan joq», - dep túıdi ol.
Eske salaıyq, osy aptanyń basynda TMD atqarýshy komıtetiniń ókilderi Tbılısı tarapynan bastama túsken jaǵdaıda, Grýzııany TMD-ǵa qaıtarý máselesin qarastyrýǵa daıyn ekendikterin málim etti.
