Grýzııa Syrtqy ister mınıstrligi reseılik oqý-jattyǵýǵa alańdaýly
ASTANA. 31 naýryz. QazAqparat - Grýzııa Syrtqy ister mınıstrligi reseılik qarýly kúshterdiń Qara teńiz aýmaǵyndaǵy oqý-jattyǵýyna alańdaýly, dep habarlaıdy VVS Orys qyzmeti.
Atalǵan jattyǵýlarǵa jeti myńǵa jýyq áskerı, 30 keme, 250-ge tarta brondy mashına, 50-ge jýyq artıllerııalyq qarý jáne 20 jaýyngerlik ushaq pen tikushaq jumyldyrylǵan.
«Reseılik basshylyqtyń ókilderi oqý-jattyǵýdyń uzaqtyǵy men áskerı bólimshelerdiń ornalasýynyń naqty jerine qatysty eshbir málimdeme jasaǵan joq», - delingen mınıstrliktiń málimdemesinde.
Grýzındik dıplomattardyń pikirinshe, bul jattyǵýlardy ótkizý «Senim jáne qaýipsizdikti bekitý týraly» 2011 jylǵy Vena qujatynyń erejelerine sáıkes kelmeıdi.
