Grýzııa Reseıdiń DSU-ǵa kirýine altynshy ret kelisim bermedi
ASTANA. 10 qazan. QazAqparat - Grýzııa men Reseıdiń kezekti kelissózderiniń altynshy raýndy sátsiz aıaqtaldy. Bul týraly 8 qazanda Shveıtsarııaǵa grýzııa kelissózi delegatsııasyn basqaryp barǵan Grýzııa syrtqy ister mınıstriniń orynbasary Sergı Kapanadze málim etti.
«Kelissózder aıaqtaldy, biraq biz onyń sátsiz bolǵanyn aıta alamyz, ol orta jolda úzildi», degen Kapanadzeniń sózin «Golos Amerıkı» radıostansasy jetkizdi.
Grýzııa SІM basshysynyń orynbasary: «eger Máskeý Tbılısıdiń Psoý ózeninde (grýzın-reseı shekarasyndaǵy Abhaz ýchaskesi) halyqaralyq baqylaý ornalastyrý jónindegi jáne Roksk tonnelindegi (grýzın-reseı shekarasyndaǵy ońtústik Osetın ýchaskesi) talaptaryna qulaq aspaýdy jalǵastyratyn bolsa, Grýzııa Reseıdiń DSU-ǵa kirýine kelisim berýi múmkin emes», - dep túsindiredi.
Óz kezeginde Reseı delegatsııasynyń basshysy Maksım Medvedkov: «Grýzııa talaptary DSU normalarymen eshqandaı sáıkes kelmeıdi», - dep tujyrymdady.
