Grýzııa premer-mınıstri EO-ǵa bet alǵanyn jáne ashyq debattarǵa beıildigin rastady

ASTANA. KAZINFORM – Grýzııa Eýroodaqqa múshe bolýǵa ǵana umtylyp otyrǵan joq, sonymen qatar konstıtýtsııayq ustanymdar saqtalǵan jaǵdaıda kez kelgen máseleni ashyq talqylaýǵa daıyn, dep habarlaıdy Kazinform agenttiginiń menshikti tilshisi eldiń Birinshi qoǵamdyq arnasyna silteme jasap.

Bul týraly premer-mınıstr Iraklı Kobahıdze Dýbaıda (BAÁ) grýzııalyq jýrnalıstermen kezdesýi barysynda málim etti.

- Bizdiń jarııa túrde málimdegen maqsatymyz bar — Grýzııa túptiń túbinde Eýropa odaǵynyń múshesi bolýdy kózdeıdi. Al kez kelgen taqyrypty talqylaýǵa kelsek, biz oǵan daıynbyz, kez kelgen úderistiń artyqshylyǵy men kemshiligi bolady. Basty talap fýndamentaldy ustanymdardyń saqtalýy, sonyń ishinde konstıtýtsııalyq tártiptiń moıyndalýy», — dedi Grýzııa premer-mınıstri Iraklı Kobahıdze.

Úkimet basshysynyń aıtýynsha, ashyq ári salaýatty pikirtalas eýropalyq ıntegratsııanyń artyqshylyqtary men kemshilikterin qosa alǵanda, kez kelgen máseleni qamtýy múmkin. Alaıda mundaı talqylaýlar dáleldi, ashyq ári qoǵamǵa talqylanyp jatqan taqyryptardyń barlyq qyryn aıqyn ári túsinikti jetkizýi tıis.

Sońǵy aılardaǵy oqıǵalar Grýzııa men Eýropalyq odaq arasyndaǵy dıplomatııalyq qatynastardyń aıtarlyqtaı shıelenis kezeńine aıaq basqanyn ańǵartady.

Osyǵan deıin Eýroparlament múshesi Tomash Zdechovskıı Grýzııa tereń saıası daǵdarysqa ushyrady jáne 2024 jylǵy parlamenttik saılaýdan keıin ondaǵy adam quqyqtaryna qatysty jaǵdaı aıtarlyqtaı nasharlady dep syn aıtqan bolatyn.