Grýzııa Premer-Mınıstri Qazaqstanǵa saparmen keledi - QR SІM

NUR-SULTAN. QazAqparat - Qazaqstanǵa Grýzııa Premer-Mınıstri Mamýka Bahtadze saparmen keledi. Bul týraly elordada ótken brıfıngte QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«Osy apta elimizge sheteldik delegatsııalardyń joǵary deńgeıde túrli saparlarǵa toly bolady dep kútilýde. Atap aıtqanda, 15-16 mamyr aralyǵynda Nur-Sultan qalasynda Grýzııanyń Premer-Mınıstri Mamýka Bahtadze resmı saparmen bolady. Al 14-16 mamyr aralyǵynda Nur-Sultan men Almaty qalalaryna Qytaı Memlekettik keńesiniń Vıtse-Premeri Han Chjen jumys saparymen keledi», - dedi resmı ókil.

Onyń sózine qaraǵanda, mártebeli meımandar saparlary aıasynda memleket basshylyǵymen birqatar ekijaqty kezdesýleri ótedi dep kútilýde. Oǵan qosa, Grýzııa Premer-Mınıstri jáne Qytaı Memlekettik keńesi Vıtse-Premeriniń Nur-Sultan qalasyna saparlarynyń baǵdarlamasynda 12-shi Astana ekonomıkalyq forýmynyń resmı ashylýyna qatysýy kózdelip otyr.