Grýzııa Mıhaıl Saakashvılıge izdeý jarııalady
ASTANA. QazAqparat - Grýzııa eldiń burynǵy prezıdenti Mıhaıl Saakashvılıge memleketishilik izdeý jarııalady, dep jazady lenta.ru.
Eks-prezıdenttiń qatysy bar degen kúdikpen elde birneshe qylmystyq istiń tergeýi júrip jatyr. Oǵan eldiń qarjysyn beı-bereket shashty, qyzmettik laýazymyn asyra paıdalandy degen aıyptar taǵylyp otyr. Tbılısı qalalyq soty 2 tamyz kúni ony tutqyndaý týraly syrttaı úkim shyǵaryp qoıǵan.
Sondaı-aq burynǵy kóshbasshy bul aıyptardyń negizsiz jáne saıası astary bar ekenin aıtqan. Sondyqtan ol eshqandaı memleketten saıası pana suramaq emes.
Grýzııanyń bas prokýratýrasynan kelgen habarlamaǵa sáıkes, Saakashvılı el shekarasyn attap basysymen qolǵa túsedi. Osyndaı úkim eldiń ІІM-ne berilgen. Ol 2013 jyly qarashada ketkennen qaıtyp birde-bir ret elge oralǵan emes. Negizinen AQSh-ta turyp jatyr.
