Grýzııa men Frantsııada koronavırýstyń kezekti tolqyny bastalyp keledi
COVID-19 taralýyna jol bermeý jónindegi vedomstvoaralyq komıssııanyń málimetinshe, shilde aıynyń basynan bastap munda kúnine 600-800 jaǵdaı tirkelýde, osyǵan uqsas kórsetkishter aqpan aıynda kovıdtiń kezekti tolqyny kezinde boldy. Naýqastardy Respýblıkalyq juqpaly aýrýlar klınıkasy qabyldaýda. Ázirge bos tósekter bar, biraq osylaı úrdis jalǵasa berse, COVID bólimshelerin qaıta ashýǵa týra keledi.
Densaýlyq saqtaý mınıstri «Frantsııada koronavırýstyq ınfektsııanyń segizinshi, sonyń saldarynan keıin toǵyzynshy tolqyn bastalýy múmkin» - dep málimdedi.
Mınıstr sondaı-aq jazǵy demalysta júrgen óz azamattaryn (otandastaryn) qoǵamdyq kólikterde betperde rejımin saqtaýǵa shaqyrdy.
Densaýlyq saqtaý mınıstrligi basshysynyń buryn aıtqan málimetterine sáıkes, Frantsııada COVID-19-dyń jetinshi tolqyny kúsheıip keledi, jańa jaǵdaılardyń sany 200 myńǵa jetken. Al, buǵan deıin kún saıyn 120 myń jańa jaǵdaı tirkelgen edi.
Eýropalyq komıssııa juma kúni «Eýroodaqtyń tórt eli – Ispanııa, Germanııa, Belgııa jáne Portýgalııa - maımyl sheshegi aýrýyna qarsy vaktsına aldy jáne jaqyn arada egý naýqanyn bastaıdy»- dep málimdedi.
Eýropalyq Odaq satyp alǵan vaktsınanyń jalpy sany 13 600 dozadan asady. Ispanııa maýsym aıynyń sońynda vaktsınanyń alǵashqy 5 300 dozasyn aldy. Onyń artynsha vaktsınanyń dál sondaı dozasy Germanııaǵa jetkizildi. Portýgalııa - 2 700, al Belgııa bar bolǵany -340 dozany aldy.
