Grýzııa men Armenııaǵa saparlaıtyn qazaqstandyqtar neni bilýi tıis
Grýzııa: Vaktsınatsııa álde 3 márte PTR test tapsyrý
Tolyqtaı vaktsınatsııalanǵan qazaqstandyqtar Grýzııaǵa áýe kóligimen ushyp kelgende aıtarlyqtaı áýre-sarsańǵa túse qoımaıtyndyǵy anyq. Bul sanatqa kirgen tulǵalarǵa kez kelgen vaktsınamen vaktsınatsııalaýdyń tolyq kýrsynan ótkendigin dáleldeıtin qujatyn usyný qajet bolady. Mundaı jaǵdaıda PTR test tapsyrý jáne Grýzııaǵa kirgen kezde aldyn ala tirkeý qajet emes.
Alaıda, tolyqtaı vaktsınatsııalanǵan Qazaqstan azamaty Grýzııa shekarasyn jer nemese teńiz joly arqyly kesip ótken sátte aldyn ala (72 saǵattan keshiktirilmegen ýaqytta) PTR test tapsyrýǵa týra keledi. PTR nátıjesi bar sertıfıkat grýzın, orys nemese aǵylshyn tilinde bolýy tıis. Biraq, bul sanatqa jatatyn saıahattaýshylar úshin elge kirgen kezde aldyn ala tirkelý talap etilmeıdi.
Úndistannan saıahattaýshylarǵa nemese Grýzııaǵa kelgenge deıingi 14 kúndik merzimde atalǵan elde bolǵan azamattarǵa erekshe talap qoıylady. ıAǵnı, Úndistanda bolǵan azamattar Grýzııa shekarasyn kesip ótken kezde vaktsınatsııanyń tolyq kýrsynan ótkeni týraly sertıfıkatpen qatar PTR testiniń teris nátıjesi kórsetilgen anyqtamasyn da usynýy tıis. Buǵan qosa, óz qarajaty esebinen eki apta boıy mindetti túrde karantınde jatady.
Aıta keterligi, kóp dozaly vaktsınanyń bir dozasyn ǵana alǵan kelýshilerge de Grýzııa birqatar jeńildik usynady. Biraq, ol Dúnıejúzilik densaýlyq saqtaý uıymy shuǵyl qoldanýǵa maquldaǵan (qazirgi ýaqytta Pfizer/BioNTech, Moderna, AstraZeneca, Sinopharm jáne Sinovac vaktsınalary) vaktsına bolýy tıis. Buǵan qosa, joǵaryda atalǵan vaktsınanyń birinshi dozasyn alǵandyǵyn dáleldeıtin qujatpen qatar elge kirgen sátke deıingi 100 kúndik merzimde alynǵan PTR testiń oń nátıjesi bolǵan jaǵdaıda COVID-19-dan keıin saýyqqanyn dáleldeýi qajet. Áýe kóligimen saparlaǵan kezde PTR testiniń de, aldyn ala tirkelýdiń de qajeti joq. Al jer jáne teńiz kóligi arqyly saıahattaǵan jaǵdaıda 72 saǵattyń ishinde tapsyrylǵan PTR test nátıjesi mindetti.
Al vaktsına almaǵan Qazaqstan azamattary úshin Grýzııa shekarasyn kesip ótý protsedýrasy birshama qıyn bolmaq. Ushaq, jer nemese teńiz kóligi arqyly saıahattaıtyn azamattar birqatar erejeni saqtaýy qajet. Naqtyraq aıtar bolsaq, vaktsına almaǵan qazaqstandyqtarǵa Grýzııaǵa kirý Qazaqstannan tikeleı nemese belgili bir elderden tranzıt arqyly ruqsat etiledi. Erejeniń tolyq tizbesimen myna silteme arqyly tanysa alasyzdar.
Al shekaralyq baqylaýda 72 saǵattyń ishinde tapsyrylǵan PTR testiniń teris nátıjesin usynýyńyz qajet. Grýzııaǵa kelgenińizge úsh kún bolǵan sátte óz qarajatyńyzdyń esebinen kez kelgen zerthanada nemese mobıldi bekette qaıtadan PTR test tapsyrýyńyzǵa týra keledi. Dál osy test nátıjesi kórsetilgen sertıfıkatty Grýzııa aýmaǵynan shyǵyp ketkenge deıin saqtaýǵa tıissiz ári ony elden shyǵar kezde jaýapty tulǵaǵa kórsetetin bolasyz. Bul talapty oryndamaǵan jaǵdaıda shamamen 600 dollar aıyppul tóleýińizge týra keledi. Aıta keterligi, Grýzııada PTR testileý quny 65-80 ları (1 ları 136 teńge) shamasynda.
Grýzııa shekarasyn kesip ótpes buryn myna silteme arqyly aldyn ala tirkeýden ótý rásimin jasaýyńyz qajet. Tirkeý paraǵyn toltyrý aǵylshyn jáne grýzın tilinde júrgiziledi. «Tólqujat nómiri» tarmaǵynda málimetterdi engizý «N» lıterinen bastalýy qajettigin qaperden shyǵarmańyz.
Al 10 jasqa deıingi balalar shekarany kesip ótkenge deıin de, Grýzııada júrgenine 3 kún tolǵannan keıin de shekarany qalaı kesip ótse de, PTR test tapsyrýdan bosatylady.
Aıta keterligi, vaktsına almaǵan Qazaqstan azamattary Grýzııadan elge oralǵannan keıin úshinshi ret PTR test tapsyratyn bolady.
Armenııa: vaktsınatsııa sertıfıkaty PTR testpen teń
Grýzııamen salystyrǵanda Armenııada vaktsınatsııa sertıfıkaty PTR test nátıjesimen teńestirilgen. Al elge kirý erejesi áýe kóligimen de, jerústi kóligimen kelseńiz de birdeı. Vaktsına alǵan Qazaqstan azamattary shekarada kez kelgen vaktsınanyń vaktsınatsııa kýrsynan tolyq ótkeni týraly sertıfıkat usynady. Bul oraıda elge kirgenge deıin bir dozaly vaktsına keminde 4 apta, al kóp dozaly vaktsınanyń sońǵy dozasy 2 apta buryn alynýy tıis. QR kody bar vaktsınatsııa sertıfıkatyn elektrondy, sonymen qatar qaǵaz túrinde de usynýǵa bolady.
Al vaktsına almaǵan Qazaqstan azamattary 72 saǵattyń ishinde tapsyrylǵan PTR testtiń teris nátıjesin armııan, orys nemese aǵylshyn tilinde usyný qajet bolady. Ne bolmaǵanda áýejaıda, tipti baqylaý-ótkizý pýnktinde test tapsyra alady. Ádette mundaı test nátıjesi kelesi kúni ǵana daıyn bolady. Sondyqtan áýejaıda test tapsyrǵan jolaýshylar baratyn jerinde mindetti túrde nátıje shyqqanǵa deıin oqshaýlanýy kerek. Armenııada PTR test quny 9 myńnan 15 myń dramǵa (1 dram 0,87 teńge) deıingi somany quraıdy. 1 jasqa deıingi balalar vaktsınatsııa sertıfıkatyn nemese teris PTR test nátıjesin usynbaıdy. Armenııa shekarasyn kesip ótken sátte teris PTR test nátıjesi nemese vaktsınatsııa sertıfıkaty bolmaǵan jaǵdaıda, sonymen qatar ótkizý pýnktinde test tapsyrýdan bas tartqan kezde jolaýshy mindetti túrde eki aptaǵa oqshaýlanady. Armenııa aýmaǵynda kirgen sátte COVID-19 belgileri bar tulǵalardyń arýhanaǵa jatý múmkindikteri de bar. Armenııaǵa Reseı Federatsııasy arqyly baratyn Qazaqstan azamattary «COVID-19-syz saıasattaımyn» mobıldi qosymshasy kómegimen sertıfıkattaryn kórsetýge mindetti.
Jalpy, qazirgi ýaqytta Grýzııada da, Armenııada da maska rejımi qoldanysta. Grýzııada jabyq ǵımaratta, sonymen qatar adamdar kóp jınalatyn oryndarda maska taǵýyńyz qajet. Al Armenııada jabyq ǵımaratta ǵana maska taǵý mindetti sanalady.
