Grýzııa kóktemde EO-men vızasyz rejim týraly sheshim qabyldamaq
ASTANA. QazAqparat - Grýzııa aldaǵy kóktemde EO elderimen aradaǵy vızasyz rejim týraly sheshimdi qabyldaýǵa yntaly, dep habarlady Grýzııanyń eýroıntegratsııa máseleleri jónindegi memlekettik mınıstr Aleksı Petrıashvılı.
Onyń aıtýynsha, el vızany yryqtandyrý boıynsha is-áreket josparynyń jańa kezeńine kóshýge ázir.
«Eýrokomıssııanyń baǵalaýynyń mańyzy zor. Bul - úlken qadam. Ol Grýzııany Eýroodaqpen vızasyz rejimge jetkizedi. Biz qalǵan ýaqytta, kóktemge deıin Rıgada ótetin sammıtte vızasyz rejim týraly oń sheshim qabyldaýǵa úlgerýimiz qajet», - dedi memlekettik mınıstr.
Eýrokomıssııa Grýzııanyń vızalyq rejimdi yryqtandyrý jónindegi is-áreket josparyn oryndaý jónindegi ekinshi esebin qabyldady. Erokomıssııanyń málimdemesine sáıkes, Grýzııa vızalyq dıalogtyń birinshi fazasy boıynsha talaptardy qanaǵattandyrdy, endi ekinshi faza aıasynda jumys bastalýy yqtımal.
