Grýzııa-Qazaqstan matchyn qaıdan kórýge bolady
ASTANA. QazAqparat - Qazaqstan quramasy Tbılısıde Ulttar lıgasynyń qorytyndy matchynda grýzııa komandasymen oınaıdy, dep jazady Sports.kz.
Oıyn 19 qarashada Astana ýaqytymen 23:00-de bastalady. Ony «Qazsport» telearnasy tikeleı efırden kórsetedi. Oıynnyń bastalýyna jarty saǵat qalǵanda tikeleı efırde matchtyń prevıýi bolady.
Kezdesý Tbılısıde 54 549 kórermenge arnalǵan «Dınamo-Arena - Borıs Paıchadze» stadıonynda ótedi. Tıagý Martınsh bastaǵan portýgalııalyq tóreshiler brıgadasy qyzmet kórsetedi. Oǵan Lýısh Kampýsh pen Rıkardý Santýsh, tórtinshi referı - Antonıý Godınıý kómektesedi.
