Grýzııa ımmıgratsııalyq erejelerdi qatańdatady
ASTANA. KAZINFORM — Grýzııada sheteldikterdi, onyń ishinde qashyqtan jumys isteıtinderdi jumysqa ornalastyrýdyń jańa erejeleri kúshine enedi, dep habarlaıdy DW.
Endi eńbek shartyna qol qoıý úshin D1 jumys vızasy nemese elde turýǵa ruqsat qajet bolady. Jańa talaptar jeke kásipker retinde tirkelgen sheteldikterge de qatysty: olar qyzmetteri qashyqtan kórsetilse de, jumysqa ruqsat alýy qajet bolady. Bul birinshi kezekte IT mamandary men basqa frılanserlerge qatysty.
Ózgerister mıgranttardyń, atap aıtqanda, mobılızatsııa jarııalanǵannan keıin elden ketken ýkraındyq bosqyndar men reseılikterdiń jaǵdaıyn qıyndatýy múmkin ekeni atap ótildi.
El bıligi 1 qazannan bastap kóshi-qon saıasatyn qataıtatynyn málimdep úlgerdi. Premer-mınıstr Iraklıı Kobahıdze 2025 jyly aldyńǵy onjyldyqpen salystyrǵanda zańsyz mıgranttar kóp deportatsııalanǵanyn aıtty. Jospar boıynsha taǵy 20 000 adamdy deportatsııalaý kózdelgen.
Sondaı-aq shekaralyq baqylaý men ishki baqylaý kúsheıtildi. Іshki ister mınıstrligine ımmıgratsııalyq tártip buzýshylardy anyqtaý boıynsha qosymsha ókilettikter, sonyń ishinde sheteldikterdiń úılerin tekserý quqyǵy berildi. Kóshelerde qujat tekserý de jıilep, elden shyǵarý protsedýrasy jeńildetildi.
Sonymen qatar, merziminen asyp ketkeni úshin salynatyn aıyppuldar ósip jatyr. Buryn «vızalyq resimdeý» dep atalatyn tártipti buzǵany úshin aıyppul 180 ları bolsa, qazir ol 1000 larıge (shamamen 316 eýro) deıin kóterildi.
Buǵan deıin Grýzııada 6 aıdan astam shetelde júrgen azamat medsaqtandyrýdan aıyrylatynyn jazǵan bolatynbyz.
Sondaı-aq elde 6 jyldan asqan avtokólikterdi ımporttaýǵa tyıym salynady.